Ginbuhinan ang Capital Outlay Budget ni Mayor Raisa Treñas para sa tuig 2027 bangud nagkadto ini sa mga nagapanguna nga mga social services.
Ang nasambit nga mga social services amo ang AICS ukon Assistance to Individuals in Crisis Situation kag MAIP ukon Medical Assistance to Indigent Patients.
Lakip man diri ang Health Assistance sa Pumuluyo, Laboratory kag Ospital Serbis (HAPLOS), cash-for-work, kag livelihood programs nga budget.
Sa interview sang Bombo Radyo kay Viminale Capulso, Head sang Office of the City Budget, P96 million ang gin-aprobahan nga budget sang nasambit nga opisina para sa subong nga tuig, apang P36 million nalang para sa masunod nga tuig.
Ini bangud gin-prioritize niya ang mga nasambit nga social services bangud natingala siya kun ngaa tuman kabudlay mangayo sang medical assistance para sa mga pumuluyo sang siyudad.
Pahayag pa ni Capulso nga wala na sang nabilin nga additional funds nga magasuporta sang capital outlay sang alkalde kag wala man ini sang problema para kay Mayor Treñas.
Dugang pa ni Capulso, para sa mga nasambit nga programa, may nagakaangay ini nga requirements kag dokumento nga nagasuporta ukon nagapamatuod nga tuman gid nga nagakinahanglan sang bulig ang isa ka tawo.
