Ginadumilian na sang Anti-Red Tape Authority (ARTA) ang pagpangayo sang duwa ka valid ID sa mga pumuluyo nga naga-transaksyon sa mga ahensya sang gobyerno.
Suno sa ahensya, nagakaigo na ang isa ka government-issued ID, partikular ang National ID, sa pagpakilala sa mga transaksyon sa gobyerno.
Gin-engganyo man sini ang publiko nga ireklamo ang mga ahensya nga padayon nga nagapangayo sang duwa ka valid ID.
Gin-athag man ni Perez nga dapat may ara sang nadesignar nga photocopying machine ang mga talatapan sang gobyerno nga nakabutang sa Citizens Charter ang bayad sa kada kopya.
Ginpunto man sini nga dapat maayo kag komportable ang mga waiting area, may public assistance and complaints desk, kag may special lane para sa senior citizens kag persons with disabilities ukon PWDs.
Samtang, pwede man nga magsumiter sang reklamo sa ARTA paagi sa email sang complaints@arta.gov.ph batok sa mga ahensiya nga wala nagasunod sa insakto nga proseso ng serbisyo publiko.
