Nagsaka sang 5.4% ang unemployment rate sa Pilipinas sadtong bulan sang Setyembre subong nga tuig halin sa 5.3% sang bulan sang Agosto.
Base sa datos sang Philippine Statistics Authority, katumbas ini nga numero sang 2.86 milyon ka Pilipino nga wala sang trabaho, mas mataas kumpara sa 2.77% milyon kun ikumpara sang nagligad nga bulan.
Mas manubo nga numero ang na-record sa construction sector kun sa diin nadulaan sang trabaho ang ginabanta 271, 000 kun ikumpara sang nagligad nga tuig.
Na-record man ang pagkadula sang trabaho sa ginabanta 289, 000 sa contact center information services, lakip na ang business process outsourcing ukon BPO sector.
Nagnubo man sang 11% ang underemployment rate halin sa 11.9% sadtong Agosto, katumbas ini sang 5.56 milyon nga nagatrabaho kag nagapangita sang dugang nga trabaho agud madugangan ang ila nga kita.
Suno sa Department of Labor and Employment (DOLE), ginapunto sang pagtaas sang unemployment rate ang kinahanglanon nga makahatag sang madamo nga disente kag opportunidad sa trabaho, partikular para sa mga kabataan.
