Patay ang isa ka pasyente nga lalaki matapos nahulog halin sa ikaapat nga panalgan sang Josefina Belmonte-Duran Albay Provincial Hospital sa Brgy. Tuburan, Ligao City, Albay.
Ang biktima amo si alyas “Ruben”, 23-anyos, residente sang Brgy. Layon sa amo nga syudad.
Suno sa mga tawo sa ospital, nakibot na lang sila nga may naglagabong sa semento kag nakit-an nila ang amo nga pasyente.
Gindala pa sa emergency room ang pasyente apang wala na natabangan pa.
Ginaimbestigaran pa kun aksidente nga nahulog ang biktima ukon hungod nga naglumpat.
Nahibaluan nga nagasuprir sang sakit nga dengue ang amo nga lalaki kag tatlo ka adlaw na nga naka-admit sa ospital.
