Ginhingyo ni House private prosecutor Jay Tolosa ang una nga witness sang defense team nga si Davao City Assessor Engr. Jaime Adalin nga magsabat na lang sang direkta sa mga pamangkot sa cross-examination sa pag-resume sang impeachment trial subong nga adlaw, Nobyembre 9.
Nakasentro ang mga pamangkot sa tax declarations nga nalakip sa Statement of Assets, Liabilities, and Net Worth (SALN) ni Vice President Sara Duterte.
Ginakwestyon ni Tolosa ang testigo kun ngaa wala na-attack ang tax declarations sa SALN ni Duterte bangud nga makabulig man ini nga mga dokumento sa pagtumod sang actual locations sang mga property nga iya gindeklarar.
“Sir, napakasimple, huwag na tayo magpaikot-ikot. Napakasimple ho ng tanong ko. Sinabi niyo, kung sanang naka-attach ang tax declaration sa SALN, mapi-pinpoint mo sana ‘yung actual location. ‘Yan ho ang sagot niyo, ngayon pinapa-confirm ko lang ho sa inyo, ‘yan SALN na ‘yan hindi ho naka-attach ang tax declarations, tama ho ba?” suno kay Tolosa.
“Asked and answered, your honor,” pag-interject naman sang defense counsel nga si Atty. Lindon Bacquel.
“Not yet answered, Atty. Lindon,” sabat ni Presiding officer Chiz Escudero.
“He has been repeatedly trying to dodge that question. That’s why I am asking him to give a categorical answer,” pahayag naman ni Tolosa.
Nahibaluan nga isa man sa nangin agaw-atensyon sa impeachment court subong nga aga bangud amo ang sabat ni Adalin nga indi siya makadumdom kaangot sa kwestyon sa ginaalegar nga pag-upod sini sa alleged China-sponsored tour sang nagligad nga tuig.
Nagpaandam naman si Senator-Judge Erwin Tulfo nga mahimo ma-contempt ang witness bangud sang paagi sang pangsabat sini sa court samtang nagakadlaw pa.#
