Gin-designar si Police Captain Jesus B. Cambay III bilang bag-o nga Officer-in-Charge (OIC) sang Iloilo City Police Station 4 (ICPS4), nga magabulos kay Police Captain Ryan Christ C. Inot, epektibo subong nga Nobyembre 9.
Samtang, si Police Captain Mary Jane P. Panes, nga anay Assistant Chief sang City Investigation and Detective Management Unit (CIDMU), ang gin-assign bilang bag-o nga OIC sang ICPS7.
Suno kay Police Colonel Wilbert B. Parilla, City Director sang ICPO, may pagsalig siya sa kapasidad sang duha ka opisyal nga pangunahan ang ila tagsa ka police station, ilabi na sa mas malapad nga area of responsibility kag operational demands sang ICPS4.
Ginkabig ni Parilla nga “responsible enough” ang duha ka opisyal rason man sang iya pagpili sa ila bilang bag o nga mga hepe sang tagsa ka mga station.
