Nakaangkon sang bag-o nga career-high ranking ang Filipina tennis star nga si Alex Eala matapos nga nagsaka sa ika-15 nga pwesto sa pinakabag-o nga Women’s Tennis Association (WTA) rankings nga ginpagwa sang Lunes, Nobyembre 9, 2026.
Nagsaka sang duha ka pwesto si Eala halin sa iya anay No. 17 nga ranking, kasunod sang pagtapos sang iya 2026 tennis season sang Domingo.
Halin sa anay ika-50 nga pwesto sa bilog nga kalibutan, madinalag-on nga nakasulod si Eala sa Top 20 kag subong naangkon ang pinakamataas nga rank sa iya career.
Gintapos sang Filipina tennis star ang iya season bilang runner-up sa Hong Kong Tennis Open, kun sa diin nakakuha siya sang 163 ranking points.
