Ginaabi-abi sang pila ka transport cooperative sa Western Visayas ang ginpatuman nga ₱4 nga rollback sa presyo sang diesel, nga dako nga bulig sa ila operasyon kag adlaw-adlaw nga pangabudlay.
Sa interview sang Bombo Radyo kay Raymundo “Boyet” Parcon, chairman sang Western Visayas Transport Cooperative, iya ginpahayag nga makaginhawa na sila bisan paano bangod sa nasambit nga rollback.
Suno kay Parcon, bangud sa rollback, positibo sila nga makaginansya bisan gamay lang.
Apang, ginpahayag man sini nga wala pa sila sang kasiguraduhan kun magapadayon ang pagnubo sang presyo sang diesel ukon magsaka naman ini sa masunod nga semana.
Nahibaluan nga kapin 87 tubtob 88 pesos per liter na lang ang presyo sang diesel nga ginpatuman sang Lunes, Nobyembre 9.
