Nagalaum ang House prosecution team nga matapos antes magpaskwa kag bag-ong tuig ang impeachment trial ni Vice President Sara Duterte.
Suno kay anay Representative kag House prosecution spokesperson Ace Barbers, posible nga matapos sa sulod sang 12 ka adlaw ang pagpresentar sang ebidensya sang depensa kon magpresentar ini sang duha ka testigo kada adlaw halin sa 24 ka saksi nga ila ginlista para sa Article II sang impeachment complaint.
Bangod sini, nagapati si Barbers nga posible matapos ang pagpresentar sang ebidensya antes magsugod ang holiday season.
Ginpahayag man niya nga ginkilala kag ginarespeto sang prosecution ang kinamatarong ni Duterte sa due process sunod sa Konstitusyon.
Apang, kon mahatagan na sang bastante nga kahigayunan ang depensa nga sabton ang mga ebidensya sang prosecution, wala na sang rason nga padugayon pa ang proseso.
Dugang pa ni Barbers, pareho man nga ginalaum ni Senate President kag presiding officer Chiz Escudero nga kuntani matapos ang impeachment trial antes magpaskwa kag bag-ong tuig.
