Nagpabutyag sang pagkabalaka si Senator-judge Lito Lapid nga posible nga ginagamit lamang si Davao City Accountant Vingelin Bajan matapos nga wala ini makasabat sa pila ka simple nga pamangkot sang prosecution sa impeachment trial ni Vice President Sara Duterte.
Sa pagpadayon sang hearing sini nga hapon, ginpamangkot ni Lapid si Bajan kun ginagamit lamang ang iya ngalan.
Ini kasunod sang pagbuyagyag nga nangin partner ini sang accounting firm nga Ampil, Elises, Ciudadano & Co. CPAs, apang indi aktibo nga nagpartisipar sa mga aktibidad sang kumpaniya.
Nag-ugat ini matapos ginkwestyon sang prosecution counsel nga si Atty. Mae Divinagracia ang partisipasyon ni Bajan sa nasambit nga accounting firm nga amo ang nag-audit sang mga kumpaniya nga may kaangtanan kay Duterte.
Suno kay Lapid, naluoy na siya kay Bajan bangud sa malawig nga pagpamangkot sang mga senador-judge, kag sa madamo nga mga pamangkot, wala niya ini masabat.
“Naaawa na po ako sa inyo eh, kaming dalawa ni Senator (Panfilo) Lacson. Gusto niyang magtanong (kaso) baka daw maiyak siya eh kapag nagtanong siya. Kasi sa haba-haba ng halos maghapon, ang mga tanong ng mga senator-judge, halos hindi niyo nasasagot,” suno kay Lapid.
“Eh nakikinig ang mga kababayan natin dito, ‘pag hindi kayo nakakasagot naiinis sila. Kami rin, sabi nga ni Senator Tulfo, Raffy, baka ma-contempt ka pa dito, lalo akong naaawa sa inyo. Ang iniisip namin, baka pumunta ka dito, nagagamit ka lang dahil kayo ang city accountant ng Davao na parang wala kayong alam,” dugang sini.
Ginpahayag pa ni Lapid nga posible nga ginagamit lamang ang pangalan ni Bajan bangud isa ini ka city accountant sang Davao City, bisan wala ini sang ihibalo sa mga ginahimo nga audit kag sa mga kumpaniya nga ginadalahig sa kaso.
“Sana kung ano, magsalita kayo ng totoo, ang hinahanap lang naman ng mga kasama ko rito ‘yong totoo lang. Kanina naiiyak kayo, lalo akong naaawa sa inyo. Sana hindi naman kayo nagagamit. Nagagamit ba kayo?” pamangkot ni Lapid.
“Hindi po […] Hindi po ako ginamit po your Honor,” sabat ni Bajan.
“Eh kasi ginagamit ‘yong pangalan niyo, wala naman kayong pakinabang. Ano ba ‘yon? Papayag ka bang gano’n, na gano’n na lang, na ginagamit ‘yong pangalan mo ng ibang firm na accountant, na hindi mo alam pati ‘yong ginagawa nilang mga audit o pati ‘yong mga kumpanya na sinasabi ng mga kasamahan kong senador dito na hindi niyo rin alam?” dugang pa ni Lapid.
Nahibaluan nga madamo sa mga pamangkot sang prosecution kag mga senador-judge ang wala masabat ni Bajan, bangud suno sa iya, wala siya nakahibalo ukon indi na niya madumduman ang pila ka detalye nga nangin rason sang pagkadismaya sang pila ka senador-judge, lakip na si Presiding Officer Francis Escudero.#
