Ginsabat naman ni Iloilo 5th District Board Member “Doc Darl” Tupas ang pahayag ni Board Member Rolex Suplico sa iya nga privilege speech sa Sangguniang Panlalawigan natuhoy sa Anti-Epal Policy nga luyag niya nga ipatuman.
Naangot ini sa controversial privilege speech ni Suplico natuhoy sa nawong sang mag-asawa nga Tupas nga makit-an malapit sa mga government projects, kag ang paggamit sang alyas nga “BIBO”.
Ginpabutyag ni Tupas nga may mga alegasyon sadto anay sa mga privilege speech nahanungod sa ghost projects kag substandard nga mga proyekto, apang wala man ini napamatud-an.
Dugang pa niya, indi siya magsambit sang positibo ukon negatibo, kundi ang kamatuoran lang ang iya.
Wala man nalikawan ni Suplico nga magsabat pa gid kag gintawag man nga “epal” si Board Member Tupas bangud nagapakita ini sa programa sang gobyerno sa Northern Iloilo State University.
Apang depensa ni Board Member Tupas, humalin sang una, suportado niya ang mga programa may kaangtanan sa edukasyon.
Yari pa ang ila dugang nga pahayag antes gin-refer ang speech ni Suplico sa Committee on Rules, Ethics and Accountability sang Sangguniang Panlalawigan.
