‘Iisa ang Mold’
Ini ang nangin kabahin sang reaksyon sang isa ka law professor sa pila ka testigo kag personnel sang kampo ni Vice President Sara Duterte nga nag-atubang sa impeachment trial sa senate impeachment court.
Suno kay Atty. Lulu Reyes, madamo sa mga testigo ang nahadluk nga maghambal sang kamatuoran kag nagapahayag nga indi na sang mga ini madumduman ang pila ka detalye.
Madumduman nga kabahin sa testigo sang defense nga sanday Engr. Jaime Adalin, Davao City Assessor kag Vingelyn Bajan, Davao City Accountant, ang nagpahayag nga indi na sang mga indi madumduman ang pila ka detalye kasunod sang ila pag-atubang sa impeachment proceedings.
Si Adalin ang nagpahayag nga indi sigurado sa all-expenses-paid trip sa China sang pila ka opisyal sang Davao City kasunod sang pagpamangkut sang prosecution kag senator-judges.
Si Bajan naman ang makapila ka beses nga ginpamangkut kun iya ang pirma sa isa ka dokumento nga ginpresentar sang prosecution nga indi sini masabat-sabat.
Apang sang nagligad man nga una nga trial, nangin kontrobersyal man ang Vice President Staff Officer VI nga si Gina Acosta matapos sini nga ginpakigbahin nga wala sya nakahibalo ukon mag-intindi sang maayo sang tagalog kag wala man nakasabat matapos ginpamangkot sang prosecutor nga si Atty. Amando Ligutan kun nadumduman sini nga nakabaton sang confidential funds sang 2019 tubtob 2022 ang Davao City government sa idalom ni former Mayor Sara Duterte.
