𝗩𝗘𝗛𝗜𝗖𝗨𝗟𝗔𝗥 𝗜𝗡𝗖𝗜𝗗𝗘𝗡𝗧𝗦 𝗡𝗚𝗔 𝗚𝗜𝗡𝗔𝗞𝗔𝗨𝗟𝗔𝗠𝗜𝗥𝗔𝗡 𝗦𝗔𝗡𝗚 𝗠𝗚𝗔 𝗠𝗘𝗡𝗢𝗥 𝗗𝗘 𝗘𝗗𝗔𝗗 𝗦𝗔 𝗪𝗘𝗦𝗧𝗘𝗥𝗡 𝗩𝗜𝗦𝗔𝗬𝗔𝗦, 𝗡𝗔𝗚𝗡𝗨𝗕𝗢 𝗦𝗔𝗡𝗚 𝗛𝗔𝗟𝗢𝗦 𝟭𝟴%
Nagnubo sang 17.65 porsyento ang vehicular incidents nga ginakaulamiran sang mga menor de edad sa Western Visayas halin Agosto tubtob Oktubre 2026, suno sa Police Regional Office 6 (PR06)
Base sa datos sang PR06, padayon ang pagnubo sang mga na rekord nga insidente sa sulod sang tatlo ka magkasunod nga bulan. Halin sa 34 sang Agosto, nagnubo ini sa 31 sang Setyembre kag 28 na lamang sang Oktubre.
Kabahin ini sang ginapatigayon nga Oplan Sagip Bata sang PRO6 nga ginlunsar sang Hulyo 2026 agud malikawan ang mga aksidente nga ginakaulamiran sang mga menor de edad, ilabi na ang mga nagamaneho sang motorsiklo nga wala sang nagakaigo nga lisensya ukon awtorisasyon.
Suno kay PRO6 Regional Director PBGen Randulf Tuaño, maayo nga indikasyon ang pagnubo sang insidente apang indi pa sila kontento sini.
Gani, ginpasalig ni PBGen Tuaño nga padayon pa nila nga palig-unon ang Oplan Sagid Bata agud mas mapanubo ang amo nga mga insidente.
Ginapanawagan man sang PR06
ang mga ginikanan nga indi pagtugutan ang mga menor de edad nga magmaneho kon wala sang nagakaigo nga lisensya agud malikawan ang aksidente kag maprotektahan ang kabuhi sang mga ini.
Text by: Bombo Glenette Delit
