ILOILO CITY- Nagtawhay na ang pinsar sang pamilya sang abogada nga tumandok sang Passi City nga na-report nga missing.
Ini amo si Atty. Joji Marie Palec, 31 anyos, residente sang Barangay Man-it sa amo nga syudad.
Base sa imbestigasyon, nagpadulong sa syudad sang Iloilo si Palec apang wala na ini makapakig-angot sa iya pamilya sa sulod sang pila ka oras.
Indi man ini ma-contact sang iya pamilya.
Kahapon sang hapon sang natigayon gid man nga makapakig-angot ang abogada sa iya himata kag ginpahibalo nga nagpadulong ini sa Cebu para magtambong sa seminar.
Ginsiling sini nga naubusan lang sang battery ang iya cellphone rason kun ngaa indi nila ini ma-contact.
