Ginserbehan sang bag-o nga warrant of arrest si anay Bamban, Tarlac Mayor Alice Guo.
Ini may kaangtanan sa tatlo ka kaso sang paglapas sini sa Republic Act No. 3019 ukon Anti-Graft and Corrupt Practices Act.
Ang warrant ginpagwa sang Pasig Regional Trial Court Branch 67 kag upod man sa ginpasakaan sang kaso ang 11 pa ka iban nga mga indibidwal.
Nagdesisyon ang korte sang P90,000 nga piyansa para sa tagsa ka kaso.
Sa subong, yara si Guo sa Correctional Institution for Women sa Mandaluyong City matapos ginsentensyahan nga guilty sang Pasig court sa kaso nga qualified human trafficking.
Dugang pa diri, ginsentensyahan man siya sang reclusion perpetua ukon pagkapreso sa bilog sini nga kabuhi.
Nagmando naman ang korte nga magbayad sang P2 milyon nga multa sa tagsa ka kaso sini.
Nahibaluan nga magluwas sa kaso ni Guo nga Anti-Graft and Corrupt Practices Act, may mga kaso man batok sa iya nga may kaangtanan sa money laundering, falsification kag iban pa, amo man ang kaso may kaangtanan sa iya citizenship kag pagka-alkalde sa Bamban, Tarlac.
