Nagaduging ang ginapahayag mga kurap sa local consular office sang Department of Foreign Affairs (DFA) ilabi na sa passport appointment system kag kinahanglan nga maghalong ang publiko sa sini nga mga istilo.
Lakip ini sa nangin privilege speech ni Iloilo City Councilor Rudolph Ganzon sa Iloilo City Council.
Ginplastar ni Ganzon nga bangud nagadali na ang pila ka mga passport applicants sa Iloilo nga makatapos sa ila nga transaksyon (renewal man ukon application), wala na sang iban nga opsyon kundi magpasugot sa pila ka online appointment setters ukon fixers.
Ginapahayag nga may yara sang advisory sa isa ka Facebook page nga nagatanyag sang serbisyo sa passport appointments kag naga-book sang schedule.
May iban nga nagapabayad sang P200 bilang reservation fee sa slot, samtang may yara naman sang nagapabayad sang P1,950 para sa all-in package.
Una diri, may yara na sang mga naga-reklamo nga apisar adlaw-adlaw nga naga-check sa DFA website, wala na sang available nga slot tubtub sa Agusto 2022.
Suno pa sa konsehal, indi dapat nga i-tolerar ini nga istilo sang mga fixers bangud posible nga magresulta ini sa pagpang-abuso ilabi na sa mga OFWs.
Ang DFA ang una na nagpaguwa sang pahibalo nga wala ini nagagamit sang Facebook ukon iban nga social media network nga magtanyag ukon magkumpirma sang passport application appointments.
Wala man ini sang gin-authorize nga kumpaniya ukon indibidwal nga magtanyag ukon magbaton sang passport apoointment scheduling in behalf sang ila nga ahensya.
Nagpanawagan man dugang ang konsehal sa DFA Iloilo nga maghimo sang courtesy lane agud nga ma-una ang mga tawo nga may URGENT gid nga pagkinahanglan nga makakuha ukon maka-renew sang passport.
Si Mayor Jerry Treñas ang maka-duha ka beses naman nga nagpadala sang sulat kay DFA Secretary Teodoro Locsin, Jr. nga solbaron na ang passport appointment problems sa Iloilo. ##
