ILOILO CITY- Nagpanginmatay paagi sa pagbitay sa iya kaugalingon ang isa ka mangunguma sa Guimbal, Iloilo.
Ang biktima amo si alyas Niel, 45 anyos, pumuluyo sang Sta. Rosa, Laguna, Guimbal, Iloilo.
Natabo ang paghikog sang biktima sa sulod sang ila kamalig sa Barangay Nito- an sa amo nga banwa.
Sa interview sang Bombo Radyo kay PLt. Nelson Caro, hepe sang Guimbal Municipal Police Station, iya ginpahayag nga naabtan nalang sang asawa sang biktima nga nagabitay na ini sa balayan sang ila kamalig.
Suno kay Caro, ‘sling’ sang bag ang ginhigot sang biktima sa iya liog.
Ginpahayag sang hepe nga base sa panuaron sang asawa sang biktima, nagasuprir sang depression ang iya bana kag nagtuyo naman ini nga magpanginmatay sadto.
