Padasigon sang Food and Drug Administration (FDA) ang pag-review kag paghatag sang approval sa aplikasyon para sa generic drugs.
Suno sa opisina, halin sa nakaandan nga 120 ka adlaw, himuon na lamang nga 45 ka adlaw ang processing period.
Apang gin-athag man nga magapabilin ang amo gihapon nga requirements para sa aplikasyon.
Ang mas ginpanubo nga processing period ang sandig man sa mandu ni President Ferdinand “Bongbong” Marcos, Jr. sa tuyo nga ma-improve ang public access sa generic kag mas barato nga bulong.
Una na nga ginpahayag ni FDA director general Dr. Samuel Zacate nga nagmandu si Marcos nga i-streamline ang drug application kag regulatory processes sa Pilipinas.
