Ginkumpirma sang University Athletic Association of the Philippines (UAAP) nga dumilian sini nga magpartisipar sa ila events ang tanan nga Ateneo staff nga didto sa Aurora sang natabo ang trahedya nga ginkamatay nanday Rene Baterbonia kag Divine Adili.
Suno sa UAAP, ipatuman ini nga order tubtub nga wala pa natapos ang imbestigasyon sa amo nga insidente.
Wala ginpangalanan sang UAAP kag sang Ateneo De Manila University ang staff nga yara didto sa “team building activity” sa Aurora, apang kun basehan ang Immigration Lookout Bulletin Order (ILBO) nga gin-isyu sang Department of Justice (DOJ), lakip sa gina-imbestigaran ang masunod nga staff:
Head coach Tab Baldwin (resigned)
Team manager Epok Quimpo (resigned)
Assistant coach Reynaldo Jacinto Jr.
Assistant coach Dean Casta o
Assistant coach Sandro Soriano
“This preemptive measure, adopted even prior to the UAAP season, is intended to preserve the integrity of the ongoing inquiry and to ensure full transparency and due process as facts surrounding the incident are being carefully examined,” suno sa statement sang liga.
Kaina, nag-atubang na si Baldwin sa Criminal Investigation and Detection Group (CIDG) matapos nga gin-subpoena siya para sa imbestigasyon.
Base kay Department of the Interior and Local Government (DILG) Secretary Jonvic Remulla, may nakit-an sila nga inconsistencies ukon wala nagasantuanay nga mga pahayag sang pila ka Ateneo basketball players sa pahayag sang coaching staff.
Gin-reschedule naman ang apperance ni Baldwin sa National Bureau of Investigation (NBI) sa masunod nga semana.
