Ginlubong na sa Nigeria subong nga adlaw, Hunyo 26, si Divine Adili nga kaupod ni Rene Clert Baterbonia nga nagtaliwan matapos nalumos sa “team-building activity” sang men’s basketball team sang Ateneo de Manila University sa Aurora sang Hunyo 8.
Makit-an sa video nga gin-share sang iya pamilya nga nagasuksok sila sang black shirt nga may laragway ni Divine kag may naka-imprinta nga “Gone So Soon.”
Samtang pakadto sa lulubngan ang salakyan nga nagadala sang bangkay, mabatian man ang nagahambal sa video nga “Keep sharing the live, keep sharing the live, make sure he’s gotten to every place in the world because we love him.”
Huwebes sang nag-abot sa Nigeria ang bangkay ni Divine.
Sa nauna nga Facebook post sang iya tiya nga si Nwozor-Mabia Ogonna Grace, gintawag sini si Divine nga “hero, a giant with a humble heart.”
“Your kindness, compassion, and goodwill touched countless lives, and the world continues to speak of the beautiful legacy you left behind,” pahayag sang tiya sang Nigerian player.
“Though your life was cut short, your impact will never fade. We will continue to celebrate you, cherish your memories, and honor the values you lived by. Your legacy will live on in the hearts of all who knew and loved you. Rest on, dear nephew. You are deeply loved, forever remembered, and greatly missed. May your gentle soul rest in perfect peace,” dugang sini sa iya nga post.
Antes gindala sa Nigeria, nagpatigayon ang Ateneo sang candlelight service, daily masses, kag public wake para sa amo nga Blue Eagles big man.
May ginpadala man ang unibersidad nga duha ka representatives agud updan ang pagpauli sang bangkay ni Divine sa Nigeria.
