Napirmahan na sang ginikanan ni Rene Clert Baterbonia ang dokumento sa P2.266 million nga balor sang condominium halin sa National Housing Authority (NHA).
Sa update halin sa Provincial Government sang Agusan del Sur, ginsiling nga gintugyan ini sa iloy kag amay ni Rene nga ginkadtuan sang tiglawas sang NHA sa Talacogon, Agusan del Sur subong nga adlaw, Hunyo 26.
“While no home can ever replace the presence of a beloved son, this new beginning stands as a lasting reminder that compassion can turn grief into hope. It is a testament to how a community came together to honor Bobet’s memory not only through words and tributes, but through an act of kindness that will continue to shelter and uplift the family he loved so deeply,” suno sa provincial government.
Myerkules sang gindul-ong si Rene sa iya katapusan nga palahuwayan.
Napatay siya kag ang isa pa ka student-athlete nga si Divine Adili sang Hunyo 8 matapos nalumos sa “team building activity” sang Ateneo de Manila University men’s basketball team sa Aurora.
