Wala gindayon sang Prosecution team ang pag-atubang sa Senate impeachment court ni Civil Service Commission Assistant Commissioner Ariel Ronquillo.
Suno kay House Prosecutor Terry Ridon, ang mga testimoniya ni retired Sandiganbayan justice Amparo Cabotaje-Tang kag Office of the Ombudsman records officer Atty. Karen Batu ang bastante na agud ma- cover ang mga topiko nga i-testify man ni Ronquillo.
Sa baylo nga si Ronquillo, ginpaatubang sang prosekusyon si Atty. Gerardo del Rosario.
Si del Rosario amo ang Director sang Securities and Exchange Commission (SEC) Company Registration and Monitoring Department.
Plano man nga paatubangon sang Prosecution bwas nga adlaw si Rendell Sopeña, chief sang Philippine Government Electronic Procurement System.
