I-formalize na sang Pilipinas kag Australia ang “strategic partnership” sang duha ka pungsod sa seguridad, counterterrorism, law enforcement, edukasyon, kag climate change paagi sa pagpakigkita ni President Ferdinand Marcos Jr. kay Australian Prime Minister Anthony Albanese sa Malacañang subong nga adlaw, Septyembre 8.
Ini ang labing-una nga pagbisita sang isa ka Australian prime minister sa Pilipinas halin sang 2003 suno sa Presidential Communications Office.
Sang Mayo, matandaan nga yari man sa Pilipinas si Australian Foreign Minister Penny Wong para sa apat ka adlaw nga official visit.
Sang Agusto naman, personal nga ginsaksihan ni Marcos ang una nga Amphibious and Land Operations sang Indo-Pacific Endeavor 2023 sa tunga sang tropa sang Pilipinas kag Australia sa Camp Artemio Ricarte sa San Antonio, Zambales.
Subong nga adlaw posible nga maistoryahan nanday Marcos kag Albanese ang posible nga pagpadayon sang joint military exercises sa tunga sang duha ka pungsod.
Nahibaluan nga magluwas sa United States, ang Australia ang lamang kaalyado ng pungsod kun sa diin may yara sang visiting forces agreement (VFA) ang Pilipinas.
Ang Status of Visiting Forces Agreement sa Australia ang napirmahan sang 2007 kag naratipikahan sa Senado sang 2012.
