Gin-anunsyo sang New NAIA Infra Corp. (NNIC) nga umpisahan na nila ang pag-activate sang mga bag-o nga biometric immigration e-gates sa Ninoy Aquino International Airport (NAIA) sa masunod nga bulan.
Suno sa NNIC, ang plano nga activation sang e-gates sa main gateway sang Pilipinas kabahin sang ila inisyatibo nga mapaayo kag mapadasig ang passenger processing.
Gin-athag man sang kompaniya nga ang e-gates ang iga-operate sang Bureau of Immigration (BI).
Lakip sa mga feature sini ang paggamit sang passport-scanning kag facial-recognition technology, nga nagatuyo nga mabuhinan ang oras sang paghulat sang mga pasahero.
