Nagbaskog pa kag nahimo na nga isa ka Severe Tropical Storm ang bagyo nga yara sa guwa sang Philippine Area of Responsibility (PAR).
Base sa 5:00 weather bulletin sang PAGASA, nakit-an ang mata ni Severe Tropical Storm Fung-Wong sa kalayuon nga 1,500 km nasidlangan sang Northeastern Mindanao ukon 1,470 km nasidlangan sang Eastern Visayas.
Dala sini ang kabaskugon sang hangin nga 95 km/h malapit sa sentro kag pagmadlos nga tubtub sa 115 km/h. Nagahulag ini pa-naaminhan nakatundan naaminhan sa kadasigon nga 10 km/h.
Base sa track forecast, magahulag ini pa-nakatundan naaminhan nakaatundan sa bilog nga forecast period.
Magasulod ini sa PAR karon sa gab-i ukon buwas sa kaagahon. Kun diri na sa PAR, tawgon ini nga Uwan.
Mataas ang tyansa suno sa weather bureau nga magalandfall ini sa Northern ukon sa Central Luzon.
Ginalantaw man nga magalab-ot na ini sa typhoon category sa masunod nga 24 oras kag sa super typhoon category buwas gab-i ukon sa Domingo sa aga.
Posible nga may wind signal nga ipasaka sa eastern portion sang Luzon kag mga porsyon sang Samar area umpisa karon sa hapon ukon sa buwas sang aga bangud sa kakusog sang hangin kun sa diin ang pinakamataas amo ang Wind Signal No. 5.
.){kind=link}