Ginsulod sang kawatan ang balay sang isa ka board member sa Quezon Province.
Ini amo si Quezon 4th District Board Member Harold David Butardo, 40-anyos kag nagaistar sa Calmar Homes Subdivision sa Brgy. Kanlurang Mayao, Lucena City.
Nakuha sa iya balay ang kapin P2.7 million nga kwarta kag mga gamit.
Kalakip sa mga ginkawat ang mga luxury bags,laptops, mga alahas, kag malapit P1million cash.
Suno sa imbestigasyon, wala sang tawo sa balay sang board member sang ginsulod sang kawatan.
Sang nakabalik na sanday Butardo sa ila balay, naabtan nila nga nagalinapta ang mga kagamitan kag wasak ang pwertahan.
Nakit-an man sa CCTV footage nga puwersahan nga gin-guba sang mga suspek ang grills sang mga bintana para makasulod sa mga kuwarto.
Duha ka suspek ang nakit-an.
Padayon pa ang imbestigasyon.
