ILOILO CITY – Ginabantayan na subong sang Lambunao Municipal Police Station ang balay sang nagpositibo sa COVID-19 sa nasambit nga banwa.
Ini matapos nga ginapahayag ginbato ini sang wala pa makilal-an nga persona.
Sa interview sang Bombo Radyo kay Pol. Staff Sgt. Jessie Fusin, imbestigador sang Lambunao Municipal Police Station iya ginpahayag nga may nagtawag sa ila nga isa ka concerned citizen matapos ang ginapahayag pagpangbato sa balay sang COVID-19 patient.
Suno kay Fusing, posible nga ginhungod nga batuhon ang balay apang sa subong wala pa nila nadakpan ang nasambit nga persona.
Padayon naman ang mga ginapatigayon nga preventive measures sang mga kapulisan agud matsekyar nga indi na maglapta pa ang makamamatay nga balatian sa mga pumuluyo sang Lambunao.
Nahibaluan nga may yara na sang lima ka nagpositibo sa COVID-19 sa nasambit nga banwa.
