JANIUAY, ILOILO – Naga utaw-utaw sa suba nga wala na sang kabuhi sang nasapwan ang 15 anyos nga solterito sa Brgy. Bongol, Janiuay, Iloilo.
Ang biktima amo si Darwin Villareal sang Brgy. Gines Patag, Cabatuan, Iloilo.
Sa interview sang Bombo Radyo kay Police Staff Sergeant Raymond Daylan, imbestigador sang Janiuay Municipal Police Station, iya ginpahayag nga nagapalamuti kag nagahabok na ang bangkay sang nasapwan.
Suno kay Daylan, naglangoy sa suba ang biktima kaupod ang apat ka iban pa kahapon sang aga, Hunyo 6, apang ang apat lang ang nakapauli sang hapon na.
Ginpahayag ni Daylan nga mahimo nga wala na natalupangdan sang apat nga wala pa nakatakas sa suba ang biktima.
Santo naman sa amay, may yara sang kuyap ang 15 anyos nga solterito.
Nagdesisyon ang pamilya nga ipaidalom sa autopsy ang bangkay.
