ILOILO – Padayon ang preventive measures nga ginapatigayon sa San Enrique, Iloilo batok sa Coronavirus Disease (COVID-19).
Sa interview sang Bombo Radyo kay Mayor Trixie Fernandez kag presidente sang League of Municipalities of the Philippines- Iloilo Chapter, iya ginpahayag nga ang kada barangay sa ila lugar ang may yara sang nagkalain-lain nga pamaagi may kaangtanan sa Enhanced Community Quarantine.
Suno kay Fernandez, sa subong, may yara na lang sang 35 ka mga Persons Under Monitoring, 127 ang naka-recover na kag apat naman ang Persons Under Investigation.
Ginpahayag man ni Fernandez nga ang apat ka Persons Under Investigation ang yara naman sa maayo nga kondisyon.
May kaangtanan diri, nagamit naman ang 5% sa ila nga pondo para sa pagpamakal sang food assistance.
