ILOILO CITY – All set na ang tiglawas sang Iloilo City sa Miss Tourism Philippines 2024.
Ini amo si Raniella Louise Aguila, 21, tumandok sang Cabatuan, Iloilo kag incoming 4th year Bachelor of Science in Medical Laboratory Science student sa University of San Agustin.
Sa interview sang Bombo Radyo kay Aguila, iya ginpahayag nga excited na siya nga itiglawas ang Iloilo City sa pageant sa diin iya ginpasalig nga makuha ang titulo kag masundan man ang tapak sang mga Ilongga nga naghimo sang pangalan sa patag sang pageantry.
Suno kay Aguila, ang iya mangin advocacy amo ang pagpakigbato sa kinamatarong sang Aeta community batok sa diskriminasyon.
Sa subong, ang ginaprepahan ni Aguila amo ang iya pisikal, mental kag speaking skills.
Patigayunon naman ang coronation sang Miss Tourism Philippines 2024 sa Agusto 26 sa La Union.
