Ginkumpirma na nanday Bea Alonzo kag Dominic Roque nga indi na madayon ang ila nga kasal.
Sa ila nga joint statement, ginsiling nga pareho nila nga desisyon nga hatagan na sang “end” ang ila nga engagement apang wala sang kumpirmasyon kun gintapos man nila pati ang ila nga relasyon.
Indi ini mahapos nga desisyon suno sa duha, kag gusto kuntani nila ang mas malawig nga tion agud istoryahan pa kag pangamuyuan ini, apang madamo na ang nagalapta nga mga espekulasyon, pamangkot, kag mga insulto ang ila nabaton.
“After much thought, consideration, and care, we have mutually decided to amicably end our engagement. It was not an easy decision. We wanted to have more time to carefully deliberate and pray about it, but there have been many speculations, questions, and insults,” kabahin sang joint statement.
May ara man suno sa ila sang nagkumpirma sang ila nga breakup bisan nga wala man sang pahanugot halin sa ila; may mga naghimo sang istorya nga wala sang basehan kag lunsay lang sala — rason nga nag-desisyon sila nga ipaguwa ang anunsyo para sa ila man nga peace of mind amo man sang ila nga pamilya.
“Unfortunately some even confirmed out breakup without our consent, created ridiculous stories that had no basis and were utterly false, so we felt the need to share this announcement with great sadness, for our peace of mind and our families.”
Naghingyo man ang mga ini sang paghangop ilabi na bangud masakit ini nga desisyon. Dugang pa nga hingyo nanday Bea kag Dominic amo ang privacy kag likawan ang paghaboy sang masakit nga mga tinaga sa social media.
“We sincerely request for everyone to kindly spare us from more cruel and very hurtful words thrown on social media,” base sa statement. “We kindly request to give us the privacy we need as we navigate our future lives with respect, kindness, compassion, and dignity.”
Enero 2021 sang nag-umpisa nga mag-date sanday Bea kag Dominic kag nag-angkon sang relasyon sang Agusto sang amo nga tuig.
Hulyo 2023 sang sila ang na-engage kag subong nga tuig na kuntani ang kasal.
Una naman nga nag-isyu sang statement si Dominic nga naga-depensa kay Bea kun sa diin iya ginlaragway nga maayo nga tawo — sa guwa man ukon sa sulod.#
