ILOILO CITY- Gin-athag sang Bureau of Jail Management and Penology nga wala nakapanaog sa ila salakyan ang personnel nga nagserbe driver sang nagpadulong ang mga ini sa probinsya sang Antique.
Sa interview sang Bombo Radyo kay Bureau of Jail Management and Penology Assistant Regional Director Jail Senior Superintendent Gilbert Peremne, iya ginpahayag nga sang wala na nagpanog pa sa salakyan ang covid positive patient kag sa baylo, ang isa lang niya kaupod sa salakyan ang nagdul-ong sang mga kinahanglanon.
Suno kay Peremne, duha lang ka persona ang nakasakay sa salakyan, sa diin naga-obserba ang mga ini sang physical distancing, may alcohol kag nagagamit sang face mask bilang proteksyon.
Pahayag pa niya, ulihi lang nag-abot sang covid-19 result sang pasyente sa diin pabalik na ang mga ini nagikan sa nahinambit nga probinsya.
Dugang pa sang natungdan, sa subong naka-isolate na ang amo nga persona kag ginamonitor ang ikaayong lawas sini.
