Nagapadayon pa ang imbestigasyon sang Bureau of Fire Protection (BFP) kun ano ang ginhalinan sang sunog nga nagpuhag sa mga residente sa Barangay Punong, Lapuz, Iloilo City kaina sang kaagahon, Mayo 12.
Ang nasunog amo ang ikaduha nga panalgan sang balay nga ginapanag-iyahan ni Alicia Diestron.
Anum ka kuwarto ang nahamtang sa ikaduha nga panalgan kun sa diin lima tanan ang boarders.
Isa naman sa ila ang napaso kag namasaran matapos nga naglumpat halin sa second floor agud nga makapalagyo sa kalayo.
Sa inisyal nga reports, nagdangat sa P500,000 ang balor sang kahalitan nga natuga sang fire incident.
Gina-establisar man kun may yara sang boardinghouse permit nga gina-uyatan ang tag-iya sang balay.
Photo: CJ Carl Martir via United Emergency Responders
