Dapat nga maghulag ang Bangko Sentral ng Pilipinas (BSP) agud mabuligan ang mga Pinoy nga biktima sang fraud ilabi na bangud labi nga nagadamo ang reports sang online theft subong nga may coronavirus pandemic.
Ini ang ginaduso ni Senator Grace Poe nga amo ang chairperson sang Committee on Banks, Financial Institutions and Currencies sa Senado.
Suno kay Poe, may yara sang grupo nga gintukod ang mga biktima sang fraud sa social media agud nga magwangal sa ila nga kapierdehan; kag isa sa sini nga grupo ang nagpahayag nga 150 ka tawo ang natabanan sang P7.5 million nga balor sang kwarta.
Iban sa mga nakawat nga kwarta ang nagadiretso sa acounts nga natumod man sang mga biktima.
Bangud sini nga problema, ginalauman suno kay Poe nga maghulag ang BSP agud nga makudalan ang welfare kag ang safety sang mga consumers.
Suno kay Poe, sa sining tion nga nadulaan na sang trabaho ang mga tawo, indi maayo nga madulaan pa gid sila sang savings.
Nahibaluan nga halin sang nagligad nga tuig, madamo na nga mga bangko ang nagpaandam sa mga depositors sa lain-lain nga schemes sang mga manugtunto online samtang labi man nga nagadamo ang Pinoy ang nagsaylo sa online banking.
Sang naligad nga tuig, nagpangayo man sang dugang nga budget ang Department of Justice (DOJ) para sa anti-cybercrime operations sang National Bureau of Investigation agud mabatuan ang online schemes.
Ginahulat man ang pag-release sang NBI sang pinal nga tally sang cybercrimes lakip na ang donation scams kag phishing nga natabo halin sang naligad nga tuig.
