ILOILO CITY – Utdan sang tiil ang obrero sang isa ka pabrika sang palupok matapos nga nasunog ang storage area sini sa Segura Street, Barangay Bonifacio, Arevalo Iloilo City.
Ang napilasan amo si Ruben Tundag nga isahanon nga nagatrabaho sa pabrika.
Sa interview sang Bombo Radyo kay Homer Sy nga nagresponde sa biktima, iya ginpahayag nga nagapamahaw ini sang nabatian ang matunog nga lupok sa diin nagasinggitan si Ruben sang tabang.
Suno kay Sy, nasamaran gid ang biktima sa diin nag-ibwal ang dako nga kalayo nagikan sa pabrika.
Samtang, nagpanawagan naman ang tag-iya sang factory sang palupok sa mga local officials sa syudad nga kun mahimo, magpangita sang pamaagi agud nga ma-legalize ang manufacturing sang palupok sa syudad.
Sa interview sang Bombo Radyo kay Abe Sy, naga-attach lamang sila sa permit sa Negros bangud nga wala sang lugar sa syudad nga kwalipikado nga himuon nga factory.
Nagakadapat suno sa iya nga mag-isa ang tanan nga mga manufacturers bangud nangin palangabuhian na sang mga residente ang paghimo sang palupok.
