Ginsabat ni Palace Press Officer kag Undersecretary Atty. Claire Castro ang mga pahayag ni Vice President Sara Duterte batok kay Presidente Ferdinand R. Marcos Jr.
Sa isa ka press briefing sa Philippine Embassy sa India sini nga Biyernes, Septiyembre 11, ginkwestyon ni Castro kun yara bala sa husto nga panghunahuna si Duterte sang ginpahayag sini ang mga alegasyon batok kay Marcos.
Suno kay Castro, posible nga ang kakulang sa tulog kag kabalaka amo ang rason nga indi na makapaminsar sang maayo si Duterte kag indi na makapahayag sang mga mensahe nga nagakaigo sa iya posisyon bilang bise presidente.
“Baka po ito dala ng sleepless nights and anxiety kaya hindi na po siya nakakapag-isip nang maayos at nakakapag mensahe nang naaayon sa pagiging isang bise presidente,” suno kay Castro.
Nahibaluan nga sa rally kaina sa Quezon City Hall, nagpanawagan si Duterte kay Marcos nga mag-resign.
“Sinungaling ka, abusado ka, wala siyang utang na loob sa taumbayan. Wala siyang utang na loob sa lahat ng pumunta ng presinto para iluklok siya sa pwesto. Wala siyang hiya. Ganoon talaga kapag adik. Hindi na dumadaan sa realidad ang pag-iisip. Patuloy tayong makipaglaban sa mga abusado, sa mga adik, at sa mga korap,” suno sa vice president.
“Patuloy tayong manawagan ng paglayas ng problema ng ating bayan na ang pangalan ay Bongbong Marcos. Resign! Umalis ka dyan!” suno pa kay Duterte sa atubang sang iya supporters.
Personal nga nagpakita si Duterte sa Quezon City Hall of Justice para sa arraignment sa iya kaso nga grave threat apang ini ang na-postpone bangud sa mosyon nga ginpasaka sang iya kampo.#
