Liwat nga ginsabat ni Senate Minority Leader Alan Peter Cayetano si Senador Panfilo Lacson matapos ginbalibaran sini ang imbitasyon nga inspeksyunon ang flood control projects sa Taguig.
Suno kay Cayetano, indi dapat pagkabalak-an ni Lacson ang pagbaha sa Taguig bangud dako na ang pag-uswag sang flood control sa ila nga syudad.
Dugang pa ni Cayetano nga magluwas sa grabe nga pagbaha, limitado na lamang sa pila ka lugar ang flash floods sa Taguig kun ikumpara sa iban nga syudad sa Metro Manila.
Magluwas sa isyu sang flood control, ginpahayag ni Cayetano nga ginakatingala sini nga siya gid lamang ang permi ang ginapuntirya ni Lacson kag gina-angot sa nagkalain-lain nga alegasyon sa Taguig.
Pahayag pa ni Cayetano mas maayo nga ituon na lang ni Lacson ang iya nga atensyon sa mga butang nga nakaapekto sa pungsod ka sa publiko.
Dugang pa sang senador, sa baylo nga magbaslanay sang akusasyon dapat nga pangitaan na lang sang solusyon ni Lacson ang mga problema nga ginapangatubang sang pungsod.
