AJUY, ILOILO – Isa ang pilason matapos nagbaliskad ang Chevrolet Trailblazer sa Brgy. San Antonio, Ajuy, Iloilo.
Ang salakyan ang ginamaneho ni Silverio Amit, 63, residente sang Sto. Rosario, Buenavista, Guimaras kag sakay naman sini ang iya live in partner nga si Janice Nagaje, 27, residente sang Brgy. Pani-an, Estancia, Iloilo.
Sa exclusive interview sang Bombo Radyo kay Police Lieutenant Jesus Alba, deputy chief of Police sang Ajuy Municipal Police Station, iya ginpahayag nga naghalin ang salakyan sa Estancia Iloilo ang padulong sa banwa sang Ajuy.
Sang naglabay ang mga ini sa kurbadahon nga bahin sang dalan, nadulaan sang kontrol sa manebela ang driver sang salakyan.
Gilayon naman nga gindala sa ospital si Nagaje matapos mag-angkon sang pilas sa ulo.
