Nagpasa ang China sa United Nations sang statement sa baselines sang ila teritoryo sa kadagatan kun sa diin nagalakip diri ang chart nga nagapakita nga ang Bajo de Masinloc ukon Scarborough Shoal ang kabahin ang ila territorial waters.
Ang Bajo de Masinloc ang yara sa exclusive economic zone sang Pilipinas sa idalom sang United Nations Convention on the Law of the Sea.
Ang tubig sa palibot sang Bajo de Masinloc nga isa ka triangular coral reef formation, ang manggaranon sa natural resources.
Sa idalom sang Article 84 sang UNCLOS, obligado ang isa ka pungsod nga magbalhag sang charts nga nagapakita sang boundaries ukon limits sang ila continental shelf.
Ginpakamalaot naman sang Philippine National Maritime Council ang claim sang China.
Suno sa Council, ang nasambit nga baselines sang China ang nagalapas sa long-established sovereignty sang Pilipinas sa shoal sa kabilugan sini nga maragtas.
Ang pagtukod sang baselines sang China sa palibot sang shoal ang kasugpon sang 2012 illegal seizure sini sa shoal, nga padayon naman nga ginapamatukan sang Pilipinas.
Suno naman kay maritime expert Jay Batongbacal, ang pinakaulihi nga tikang sang China ang wala sang epekto sa lehitimo nga legal interests kag position sang Pilipinas sa Bajo de Masinloc.
