100% nga handa na ang Commission on Elections (Comelec) para sa pagpatigayon sang barangay and Sangguniang Kabataan elections sa Oktubre 30.
Suno kay Comelec spokesman John Rex Laudiangco, ginahulat pa sang poll body ang ruling sa mga petisyon sa Korte Suprema agud i-nullify ang layi nga naghalin sang petsa sang eleksyon, apang samtang wala sang desisyon nga maguwa nga maga-deklarar sang Republic Act (RA) 11935 bilang unconstitutional, magapadayon ang Comelec sa eleksyon.
Matandaan nga gin-deklarar sang RA 11935 ang postponement sang barangay and SK elections nga originally scheduled sang Disyembre sang nagligad nga tuig.
Ginsaad man sa sini nga layi nga patigayunon ang BSKE sa katapusan nga Lunes sang October 2023.
Sang napasar na ang amo nga layi sang Septyembre, nagpasaka sang petisyon ang election lawyer nga si Atty. Romulo Macalintal kag naghingyo sa Korte Suprema ang i-invalidate ang amo nga layi. #
