ILOILO CITY – Mahimo na nga umpisahan subong nga tuig ang construction sang 32-kilometer Panay-Guimaras-Negros Bridge.
Sa interview sang Bombo Radyo kay Iloilo City Mayor Jerry Treñas, iya ginpahayag nga sa ginpatigayon nga Regional Development Council (RDC) meeting kaupod si President Ferdinand Marcos Jr. , ang chief executive mismo ang nagkumpirma nga maumpisahan ang proyekto subong nga tuig.
Ang nasambit nga proyekto ang ginalauman nga matapos sa 2031.
Ini nagalakip sang pagpaubra sang duha ka four-lanes nga taytay nga nagalaba sang 32.47 kilometers.
Ang section A ang ginalakipan sang 13-kilometer Panay-Guimaras segment lakip na ang 4.97-kilometer nga taytay.
Samtang ang section B naman amo ang 19.47-kilometer Guimaras-Negros segment nga ginalakipan sang 13.11-kilometer nga taytay.
Ini nga proyekto ang magakinahanglan sang PHP P189 billion kag pondohan sang Export-Import Bank of Korea (KEXIM) ang detalyado nga engineering design paagi sa loan.
