DUMANGAS, ILOILO – Patay na sang nasapwan ang isa ka construction worker sa ila baracks sa Dumangas, Iloilo.
Ginkilala ang biktima kay Robert Dueñas Jr. alyas Alog, 22 anyos sang Brgy. Tabugon, Dingle, Iloilo.
Suno kay Police Master Sergeant Ronald Domines, imbestigador sang Dumangas Municipal Police Station, nagatrabaho si Dueñas sa ginatukod nga building sa sulod sang Dumangas National High School.
Santo sa pagpangusisa, nasapwan sang foreman nga si Richard Meravite nga nagabitay na ang biktima sa sulod sang ila temporary facility gamit ang electric wire.
Ginpahayag ni Domines nga posible hungod sang biktima nga utason ang iya kabuhi.
Wala naman sang may nakita nga samad ukon lagub sa lawas ni Dueñas.
Padayon naman ang imbestigasyon sang otoridad tuhoy sa insidente.
