ILOILO CITY – Nag-angkon sang madamo nga pilas sa lawas ang isa ka construction worker matapos nalabuan sa Brgy. Nonoy, Iloilo City.
Suno sa isa sa mga naresponde, ginabanta nga 6-8 ang pilas sang biktima nga ginkilala nga si Rezon Salembagat, 26 anyos sang Tayasan, Negros Occidental matapos ginlabo sang suspek nga si certain Ricky sang nasambit man nga probinsya kag isa man ka construction worker.
Ginpahayag sang nagresponde nga hinubog nga istorya kag daan nga hiligut-anon ang rason sang pagpanglabo.
Sa subong, nagapabilin sa hospital ang biktima matapos nag-angkon sang pilas sa ulo, kilid kag likod.
