ILOILO CITY- Ginsabat sang content creator nga si Boss Toyo ang mga social media users’ nga nagwestyon tuhoy sa iya pagtambong sa State of the Nation Address ni President Ferdinand Marcos Jr.
Suno kay Boss Toyo, natingala ini nga may mga tawo nga nagakwestiyon kag namangkot man ini kun ginadumbilian ng kaangay niya nga content creator nga magkadto sa kaangay nga kahiwatan.
Pahayag ni Toyo, nag-attend ini sa event bilang Filipino nga luyag mahangpan ang state of the nation bangud may labot siya sa Pilipinas kag wala sang malain sa iya ginhimo.
Si Boss Toyo sang Pinoy Pawnstars online show ukon si Jayson Luzadas sa matuod nga kabuhi ang kilala bangud sa pagbakal sang mga rare collectibles, art, kag memorabilia, kalakip na ang mga items halin sa mga celebrities.
