Gintawag ni Iloilo City Councilor Romel Duron nga ignorante sanday Councilor Johnny Young kag Councilor Ely Estante bangud sa ginapasuni nga ginhimo sang duha ka konsehal nga kaladlawan ang layi.
Ini matapos nagpamangkot si Councilor Ely Estante kag si Councilor Johnny Young kun kinahanglan pa nga marehistro sa Securities and Exchange Commission ang mga driver’s association sang mga tricycle driver.
Nagsabat naman si Councilor Duron nga dapat ginatun-an sang duha ka mga konsehal ang layi nga indi na kinahanglan nga marehistro sa Securities and Exchange Commission ang nasambit nga mga asosasyon.
Ginpabutyag ni Councilor Estante nga normal lang ang mamangkot sa konseho kag wala sang monopoly of intelligence nga nagakatabo.
Ginpa-delete naman ni Councilor Young sa record sang Secretariat sang Sangguniang Panlungsod ang mga tinaga nga ginbuy-an ni Councilor Duron.
Aprobado sang konseho ang motion ni Councilor Young apang nag-object si Councilor Sarabia bangud nagapati ini nga kabahin ang diskusyon sa paghatag sang mga impormasyon kag pagsaway sa konseho.
