Gin-athag sang World Health Organization (WHO) nga indi pa mahimo maangkon sang kalibutan ang herd immunity subong nga tuig.
Suno kay Dr. Soumya Swaminathan, chief scientist sang WHO, sa pihak sang pagwa sang madamo nga mga COVID-19 vaccine, imposible sa gihapon nga ma-immune na ang kadam-an nga mga tawo sa kalibutan sa nasambit nga balatian.
Ini bangud madamo sa gihapon sang mga pasaway kag wala nagasunod sa health protocol nga nagresulta sa padayon nga pagtaas sang COVID-19 cases.
Ginpahayag ni Swaminathan nga ang nagakadapat nga himuon sang publiko amo ang pagsunod sa health protocol.
Ini ang ginalakipan suno sa doktor sang physical distancing, hand washing kag pagsuksok sang mask.
