𝗜𝗟𝗢𝗜𝗟𝗢 𝗖𝗜𝗧𝗬 – Ginakabig sang isa ka Ilonggo nga indi malipatan nga Chritmas gift ang mangin Rank 2 sa December 2024 Physical Therapists Licensure Examination.
Ini amo si Andrei Dylan Joplo Villaruz, 21 sang Poblacion, Molo, Iloilo City.
Nagtapos si Villaruz sang Elementary kag Senior High School sa Colegio De Las Hijas De Jesus, Inc. bilang High Honors.
Nagtapos naman ini sang kolehiyo sa St. Paul University Iloilo bilang Cum Laude.
Ang mga ginikinan naman sini ang lunsay nagatrabaho bilang Medical Technologist sa Florida, USA.
Sa interview sang Bombo Radyo kay Villaruz, iya ginpahayag nga nangin dako man nga impluwensya sa iya desisyon nga magsulod sa medical field ang iya mga ginikanan.
Apisar nga yara sa luwas sang pungsod ang iya mga ginikanan, wala man nagkulang ang mga ini sa paggiya sa iya.
Nangin dako man nga support system sini ang iya tiyo kag tiya kag mangin ang iya girlfriend.
Sa subong, ginapadumdom pa ni Villaruz nga magkuha sang medisina ukon magpadulong sa luwas sang pungsod.
