Nagbukas sa labing una nga kahigayunan ang Department of Agriculture sang seaweed bioreactor facility sa pungsod.
Ini gintukod sa probinsya sang Sorsogon nga may inisyatibo nga mapadamo ang produksyon kag mapabaskog ang export sang seaweed.
Ang pasilidad nagabalor sang Ang P22-milyon nga pwede magamit bilang bioreactor technology sa paghimo sang de-kalidad nga seaweed planting materials.
Suno sa ahensya, ipanagtag libre ang mga propagules sa mga seaweed farmer sa bug-os nga pungsod agud mapataas ang ila ani.
Ginpahayag ni Agriculture Secretary Francisco Tiu Laurel Jr. nga isa ini ka daku nga tikang sa pagpasanyog liwat sang Pilipinas bilang nagapanguna nga producer sang Kappaphycus seaweed sa bilog nga kalibutan.
Una nga ipanghatag sang Bureau of Fisheries and Aquatic Resources (BFAR) ang mga propagules sa Zamboanga, Palawan, kag Bangsamoro Autonomous Region in Muslim Mindanao (BARMM), antes ang distribusyon sa Cebu, Iloilo, Camarines Sur, Camarines Norte, kag Masbate.
