ILOILO CITY- Nag-provide ang Cabatuan Local Government Unit sang water tank agud mabasa ang dalan kasunod sang reklamo sang mga pumuluyo kag mga motorista sa tuman nga yab-ok sa dalan sa bahin sang Brgy. Gines Patag, Cabatuan, Iloilo.
Ang amo nga dalan ang nagaserbe nga access road matapos nag-usmod ang main road nga ginaagyan sang mga salakyan.
Matandaan nga ginkabalak-an sang mga pumuluyo ang epekto sang yab-ok sa ikaayong lawas sang mga bata sa lugar bangud nga nagaubo na ang mga ini.
Nagapangabay naman ang mga tawo nga kuntani indi lang temporaryo nga solusyon ang himuon kundi permanente agud indi mag-antos ang mga residente kag mga motorista nga nagalabay sa lugar.
