Nagtalana ang Department of Budget and Management ukon DBM sang malapit P112 bilyon nga unprogrammed appropriations sa ginaproponer nga P7.2-trilyon nga national budget para sa 2027.
Suno kay Budget Secretary Kim Robert de Leon, ini ang pinakanubo nga unprogrammed appropriations sa nominal terms halin 2019.
Ini man ang pinakanubo nga ratio sa kabug-usan nga expenditure program halin 1991.
Lakip sa mga nagapanguna nga pagagastuhan sang unprogrammed appropriations ang P57 bilyon para sa pagpabalik sang fund balances sang Philippine Deposit Insurance Corporation.
Nahibaluan nga ang unprogrammed appropriations amo ang standby funds nga mahimo lamang magamit kon may dugang nga kita, grants, ukon foreign funds kag kun natuman ang mga natalana nga kondisyon.
